Bransonun gedişi hamıdan çox onu məyus etdi
Sakinlərin sözlərinə görə, keşiş ev dustağı olanda bina hüquq-mühafizə orqanlarının tam nəzarətində olub. Onlar mütəmadi olaraq küçədə polis əməkdaşları, jurnalist və digər rəsmi şəxslərin olduğunu, bu səbəbdən məhəllədə sərbəst gəzə bilmədiklərindən şikayətləniblər.
Maraqlıdır ki, Bransonun Türkiyədən getməsinə məyus olan yeganə insan onun yaşadığı binanın həyətində fəaliyyət göstərən marketin sahibidir.
Tansu adlı şəxs amerikalı keşişin evini tərk etməsindən sonra sanki məhəlləyə sükut çökdüyünü, alverin xeyli zəiflədiyini deyib. Bu səbəbdən o, məyusluğunu ifadə edib.
Market sahibi bildirib ki, Branson ev dustağı olanda binanı qoruyan polis əməkdaşları, KİV nümayəndələri, diplomatik təmsilçilər marketin daimi müştəsinə çevrilmişdilər. Həmin vaxtlarda alveri yaxşı olub. İndi isə müştərilər yoxa çıxıblar. Tansu hesab edir ki, Branson gedişi ilə onun ruzisini də özü ilə aparıb.
AzVision.az