CNN: Camal öldürülüb, cəsədi hissələrə bölünüb

CNN: Camal öldürülüb, cəsədi hissələrə bölünüb
  17 Oktyabr 2018    Oxunub:4818
Səudiyyəli jurnalist Camal Kaşıkçının öldürülməsinə dair yeni iddia irəli sürülüb.

AzVision.az xəbər verir ki, "CNN İnternational"-ın yaydığı məlumata görə, jurnalist iki həftə əvvəl sənəd almaq üçün getdiyi Səudiyyə Ərəbistanının İstanbuldakı konsulluğunda öldürülüb, sonra izi itirmək üçün onu cəsədi hissələrə ayrılıb.
Hələlik bu iddiaların nə qədər real olub-olmadığı bilinməsə də, konsulluqda aparılan axtarışlar zamanı Kaşıkçının qətlinə dair sübutların aşkar edildiyi yayılan xəbərlər arasındadır.

İddia edilir ki, jurnalistin qətli tezliklə sübuta yetiriləcək. Bununla bağlı araşdırmanın nəticələri yaxın günlərdə elan olunacaq.



Xatırladaq ki, oktyabrın 2-də “The Washington Post” qəzetinin səudiyyəli jurnalisti, ailə qurmağa hazırlaşan Camal sənəd əldə etmək üçün Səudiyyənin İstanbuldakı baş konsulluğuna gedib. Onunla birgə gedən nişanlısını konsulluğun binasına buraxmayıblar və 5 saatdan sonra deyiblər ki, Camal artıq konsulluqdan gedib. Lakin nişanlısı buna inanmadığını və konsulluğa daxil olduğu andan Camalın yoxa çıxdığını deyib.

Camal Ər-Riyadın hazırkı siyasətinin ən böyük tənqidçilərindən olub. O, 2017-ci ildə Səudiyyəni tərk edərək ABŞ-a köçüb.

AzVision.az


Teqlər: Səudiyyə   Jurnalist   Qətl  





Xəbər lenti