“ABŞ Fətullah Güləni bizə verməlidir” - Çavuşoğludan tələb
Azvision.az xəbər verir ki, bunu Türkiyənin xarici işlər naziri Mövlud Çavuşoğlu “Türkiyənin yeni dövrdə xarici siyasət baxışı” adlı konfransda çıxışı zamanı deyib.
“Amerika ilə münasibətlərimizin gərginləşməsinin səbəbi keşiş Branson məsələsi deyil ki. Gərginləşmənin iki səbəbi var və bunlardan biri ABŞ-ın indiyədək FETÖ ilə bağlı tələblərimizi qarşılamamasıdır. FTB ciddi istintaqa başlayıb və bu prosesdə “FETÖ”çuların nə qədər qaranlıq və təhlükəli olduğunu görüb ürpərməyə başladılar. Biz zatən bunları onlara deyirik. Hər fəaliyyətlərində onların ABŞ qanunlarını necə pozduqlarını görməyə başlayıblar. Amma Türkiyədə dövlət çevrilişinə cəhd edən birinin hələ də Amerikada olması millətimizin qanına toxunur. Dolayısilə də, bizim aramızdakı əsas gərginlik səbəbimiz budur. ABŞ Fətullah Güləni bizə verməlidir” – Çavuşoğlu bəyan edib.
Leyla Elbrusqızı
Azvision.az