Bu gün Gürcüstanda keçirilən prezident seçkilərində 1 milyon 637 min 956 vətəndaş iştirak edib.
Azvision.az xəbər verir ki, bu barədə Gürcüstan Mərkəzi Seçki Komissiyasının (MSK) mətbuat xidmətinin rəhbəri Ana Mikeladze məlumat verib. Onun sözlərinə görə, ölkə üzrə seçici fəallığı 46,74 faiz təşkil edib.
Seçicilərin ən yüksək fəallığı Keda rayonunda (64,74%), ən aşağı fəallıq isə azərbaycanlıların kompakt yaşadığı Marneuli rayonunda (36,47%) qeydə alınıb. Tbilisidə isə seçici fəallığı 45,4%-dir.