Əli Rəhimzadə dünya çempionatının finalında

  16 Noyabr 2018    Oxunub : 7183
Əli Rəhimzadə dünya çempionatının finalında
Rumıniyanın paytaxtı Buxarestdə 23 yaşadək güləşçilərin dünya çempionatı davam edir.
Azvision.az xəbər verir ki, beşinci yarış günündə sərbəst güləşçilər mübarizəyə başlayıb. Bu gün yığmamızın üç üzvü xalça üzərinə çıxıb.

Əfqan Xaşalov mundiala inamlı start verib. Həmyerlimiz ilk görüşdə gürcü güləşçi üzərində parlaq qələbə qazanıb. Ancaq Xaşalov 1/4 finalda özbəkistanlı idmançıya müqavimət göstərə bilməyib.

Əli Rəhimzadənin ilk görüşü ağır mübarizə şəraitində keçib. Kanada təmsilçisiylə qarşılaşmada hesabda 1:3 geridə olan Rəhimzadə son saniyələrdə əldə etdiyi 2 xal sayəsində növbəti mərhələyə yüksəlib. Əli Moldova nümayəndəsini də üstələyərək, adını yarımfinala yazdırıb. Yarımfinal görüşü axşam seansında keçirilib. Macar güləşçidən də güclü olan Rəhimzadə finala vəsiqə qazanıb. Pəhləvanımızın qızıl medal uğrunda mübarizəsi noyabrın 17-də axşam seansında baş tutacaq.

Füzuli Hüseynov gürcü rəqibiylə görüşdə hesabı açan tərəf olsa da, təşəbbüsü əldən verərək uduzub.

Azvision.az

Teqlər: Güləş   Dünya-Çempionatı