Azərbaycan millisinin son şansı

  20 Noyabr 2018    Oxunub : 9085
Azərbaycan millisinin son şansı
Bu gün Millətlər Liqasında qrup mərhələsinə yekun vurulacaq.
AzVision.az xəbər verir ki, D liqasında mübarizə aparan milli komandamız son oyununa çıxacaq.

Azərbaycan millisi səfərdə Kosovo ilə üz-üzə gələcək. Qrupda 2-ci pillədə qərarlaşan komandamız pley-off-a yüksəlmək üçün mütləq liderə qalib gəlməlidir.

Bu oyunda istənilən hesablı qələbə yığmamızı növbəti mərhələyə yüksəldəcək. Bununla da Azərbaycan millisi Avro-2020-nin final mərhələsinə bir addım da yaxınlaşacaq. Çünki Avropa çempionatına seçmə mərhələ vasitəsilə vəsiqə qazana bilməyən, lakin Millətlər Liqasında yüksək yer tutan komandalar 2020-ci ilin martında son 4 vəsiqə uğrunda mübarizə aparacaq.

Qeyd edək ki, qarşılaşma Bakı vaxtı ilə 23:45-də başlayacaq. Oyunun baş hakimi fransalı Benua Millotdur.

Kənan Məmmədov
AzVision.az

Teqlər: Azərbaycan   Kosovo   Futbol