Əli Əhmədov: “YAP-ın 725 min üzvü var”

 Əli Əhmədov:  “YAP-ın  725 min üzvü var”
  21 Noyabr 2018    Oxunub:8554
"Yeni Azərbaycan Partiyasının (YAP) yaranması ölkə tariximizin ən mühüm hadisələrindən biridir".
Azvision.az xəbər verir ki, bunu YAP-ın sədr müavini - İcra katibi Əli Əhmədov partiyanın yaranmasının 26 illiyi ilə bağlı keçirilən tədbirində deyib.

Ə. Əhmədov vurğulayıb ki, partiya cəmiyyətin ən əzəmətli təşkilatı kimi özünü sübut edib: "Bu gün Yeni Azərbaycan Partiyası Azərbaycanın siyasi ab-havasının indikatoru rolunu oynayır. Bu təşkilat özünün 26 illik fəaliyyətindən məmnundur. Bu illər ərzində Azərbaycan regionda öz mövqeyini əhəmiyyətli dərəcədə artırıb. Bu gün Azərbaycan adı hörmətlə çəkilən ölkələrdəndir".

O, qeyd edib ki, hazırda partiyanın 725 min üzvü var: "Partiyada Azərbaycanın yaşlı əhalisinin hər 10 nəfərindən biri təmsil olunur. Onların Yeni Azərbaycan Partiyasında birləşməsi Heydər Əliyev ideyalarına olan inamla bağlıdır".

Ə.Əhmədov, həmçinin bildirib ki, Azərbaycanın tarixi keçmişi nə qədər əzəmətlidirsə, gələcəyi də bir o qədər parlaqdır.

Elvin Abdulqədirov
Azvision.az



Teqlər: YAP  





Xəbər lenti