Nazirliyin mətbuat xidmətinin rəhbəri Cəsarət Valehov Azvision.az -a bildirib ki, sosial şəbəkələrdə və saytlarda Masallının Bədəlan kəndindən olan, hər iki valideynini itirmiş 11 yaşlı Tufanın Şaxta babaya məktubu yayılıb.
“Bununla bağlı bildirmək istəyirəm ki, Əşrəfov Tufan Bağır oğlu Masallının Dəmirçi kənd ümumi orta məktəbinin 7-ci sinif şagirdidir. Özü Bədəlan kəndindəndir. Məktəbdən verilən məlumata görə, nümunəvi şagirddir, dərslərini yaxşı oxuyur. Tufan dayısının və babasının himayəsində yaşayır. Təhsil Nazirliyi Yeni il ərəfəsində Tufanı ziyarət edəcək və öz sovqatı ilə onu sevindirəcək”.
11 yaşlı Tufanın məktubunu təqdim edirik: “Salam Şaxta baba. Mən bu il çox kədərliyəm. Çünki atamdan sonra anamı da itirdim. Çox darıxıram. Bilirəm gətirə bilməzsən onları. Amma az da olsa sevindirə bilərsən məni. Mən heç nə yazmıram, sən nə istəyirsən gətirərsən”.
Aytən Zəhra
Azvision.az
Nazirlik Şaxta babaya məktub yazan Tufanı sevindirəcək
07 Dekabr 2018
Oxunub:3465
Təhsil Nazirliyi Şaxta babaya məktub yazan şagirdə baş çəkəcək.
Teqlər: Təhsil-Nazirliyi
Vaxtında, Aydın, Lazımlı!
-1708596417.jpg&h=200&w=200&zc=2&q=70)
