Vəkilliyə qəbul olmaq istəyən şəxslərin nəzərinə!

  13 Dekabr 2018    Oxunub : 1348
Vəkilliyə qəbul olmaq istəyən şəxslərin nəzərinə!
Məlum olduğu kimi, Vəkillər Kollegiyası ilə Dövlət İmtahan Mərkəzi arasında əldə olunmuş razılığa əsasən, 23 dekabr 2018-ci il tarixdə Vəkillər Kollegiyası üzvlüyünə qəbulla bağlı növbəti ixtisas imtahanlarının yazılı test mərhələsinin keçirilməsi nəzərdə tutulub.
Vəkillər Kollegiyasından (VK) Azvision.az -a verilən məlumata görə, Dövlət İmtahan Mərkəzinin Bakı şəhəri, Abdulvahab Salamzadə 28 ünvanında yerləşən kompüter mərkəzində təşkil olunacaq imtahan əvvəlki yazılı test imtahanlarından fərqli olaraq kompüter vasitəsilə - elektronlaşdırılmış qaydada həyata keçiriləcəkdir.

Onu da qeyd edək ki, 23 dekabr 2018-ci il tarixdə keçiriləcək yazılı test imtahanında 180 nəfərin iştirakı nəzərdə tutulmuşdur. Odur ki, vəkilliyə qəbul imtahanlarında iştirak etmək istəyən şəxslər 20 dekabr 2018-ci il tarixədək davam edəcək sənəd qəbulunda 140 nəfərin sənədinin qəbul olunduğunu və vəkilliyə qəbul imtahanının yazılı-test mərhələsində iştirak üçün 40 yerin qaldığını nəzərə almalıdırlar.

Əlavə olaraq bildiririk ki, vəkil olmaq üçün tələb olunan 3 il hüquq stajının tamam olmasına 3 ay qalmış şəxslər Azərbaycan Respublikası Vəkillər Kollegiyasının sənəd qəbulu komissiyasına müraciət edə bilərlər.

Sənəd qəbulu üçün elektron qaydada müraciət etmək istəyən şəxslər https://azvision.az/redirect.php?url=http://www.barassociation.az/recruitment keçidində göstərilən ankent-formanı doldurmalı, https://azvision.az/redirect.php?url=http://www.barassociation.az/other keçidində nəzərdə tutulan bank rekvizitləri vasitəsilə ödəniş etməli, anket-forma və ödəniş qəbzinin skan surətini [email protected] elektron poçt ünvanına 20 dekabr 2018-ci il tarixədək göndərməlidirlər.

Əlavə məlumat üçün +99412 594 14 95 telefon nömrəsilə əlaqə saxlaya bilərsiniz.

Azvision.az

Teqlər: Vəkil   İmtahan