Dərslik probleminin həlli ilə bağlı yeni təklif

Dərslik probleminin həlli ilə bağlı yeni təklif
  24 Yanvar 2019    Oxunub:1548
"Dünyada və pedaqogikada təcrübə belədir ki, dərsliklər təhsilalanaların psixi və intellektual inkişaf səviyyəsinə görə hazırlanır. Dərsliklər nə onların geri inkişafına, nə də artıq yüklənməsinə yol açmamalıdır.
Azvision.az xəbər verir ki, bunu Elm və təhsil komitəsinin bu gün keçirilən iclasında komitə sədrinin müavini Bəxtiyar Əliyev deyib.

Deputat bildirib ki, mətbuatda ekspertlər, lüzum olub-olmadığı halda Təhsil Nazirliyi və hazırlanmış kitablarla bağlı yanlış müzakirələr aparırlar.

"Bu da əhalidə, valideynlərdə, müəllimlərdə çaşqınlıq yaradır. Bəzən deyirlər ki, alternativ dərslik hazırlamışıq. Bir valideyn 10 kitab almalıdırmı? Bəs, bu dərsliklər hansı tələblərə cavab verir? Bu, çox mürəkkəb məsələdir. Sözügedən məsələ cəmiyyətimiz və təhsil sistemimiz üçün olduqca əhəmiyyətli məsələdir. Bununla bağlı hər hansı maddənin “Ümumi təhsil haqqında” qanuna salınmasını təklif edirəm”.

Anar Kəlbiyev
Azvision.az


Teqlər: Elm   Təhsil   Deputat  





Xəbər lenti