İngiltərədə sosial şəbəkələr qadağan oluna bilər

  28 Yanvar 2019    Oxunub : 683
İngiltərədə sosial şəbəkələr qadağan oluna bilər
İngiltərədə sosial şəbəkələrə qarşı qadağalar tətbiq oluna bilər.
AzVision.az xəbər verir ki, bu barədə ölkənin səhiyyə naziri Matt Hankok bildirib. Onun sözlərinə görə, sosial şəbəkələrdə zərərli məlumatların yayılması xoşagəlməz hadisələrə səbəb olur.

“Sosial şəbəkələrdə zərərli məzmunlar yayılmaqdadır. Bunlar əsasən özlərinə zərər verən şəxslərin videolarının sosial şəbəkələrdə yayılmasıdır ki, artıq bununla əlaqədar intihar hadisələri baş verib. Ona görə, sosial şəbəkələrdə belə zərərli məlumatların yayılmasına imkan verilməməlidir. Əgər lazım olanı etmədiklərini düşünsək, o zaman qanun hazırlana bilər”, - deyə nazir vurğulayıb.

Xatırladaq ki, 2017-ci ildə İngiltərdə yaşayan 14 yaşlı Molli Russel sosial şəbəkələrin qurbanı olub. Onun atası qızının intiharına görə, “İnstaqram”ı ittiham edib.

Qeyd edək ki, “Papirus” adlı yardım fondu son 1 həftə ərzində 30 ailənin övladlarının intihar etməsində sosial şəbəkələrin ciddi rol oynadığını bəyan edib.



Kənan Məmmədov
Azvision.az

Teqlər: İngiltərə   Facebook   İnstaqram