İranda hərbi bazaya hücum: Ölən və yaralılar var

  02 Fevral 2019    Oxunub : 1809
 İranda hərbi bazaya hücum: Ölən və yaralılar var
İranın cənub-şərqindəki Sistan-Bəlucistan əyalətinin Nikşəhr şəhərində yerləşən Basic hərbiləşdirilmiş bazasına edilən hücum nəticəsində bir nəfər ölüb, 5-i isə yaralanıb. Azvision.az “Reuters”ə istinadən xəbər verir ki, bu barədə İranın dövlət televiziyası məlumat yayıb.
Qeyd olunur ki, terror hücumu bazadakı İran İslam İnqilabı Keşikçiləri Korpusu çevik qüvvələrinin qərargahına edilib. İnsidentlə bağlı əlavə məlumat verilməyib.

İranın Sistan-Bəlucistan əyaləti uzun müddətdir ki, narkotik qaçaqmalçılığı ilə məşğul olan qruplaşmalar və sünni radikal müsəlmanlara görə narahat bölgəyə çevrilib.

Leyla Elbrusqızı
Azvision.az

Teqlər: İran