İran yeni raketini nümayiş etdirdi
“1300 kilometrdən çox uzaqlıqda yerləşən hədəfləri vurmaq qabiliyyətinə malik bu qanadlı raket döyüş hazırlığına gətirilməsi üçün çox az vaxt tələb edir və aşağı hündürlükdə uça bilir. Yer-yer tipli olan bu yeni raket “Hoveyzə” adlanır və 2015-ci ildə təqdim etdiyimiz “Sumar” qanadlı raketləri silsiləsindəndir. Bu raket sübut edir ki, İran günbəgün özünün müdafiə qabiliyyətini gücləndirir və öz milli təhlükəsizliyi və maraqlarının təmini üçün kimdənsə icazə almır” – Hatəmi vurğulayıb.
ABŞ İranın raket istehsalı proqramını dəfələrlə qınayaraq, onun BMT qətnamələrinə zidd olduğunu bəyan edib. Vaşinqton ehtiyat edir ki, uzaqmənzilli raket və peyk texnologiyasını inkişaf etdirməklə, İran nüvə başlığı daşıya bilən qitələrarası ballistik raket hazırlaya bilər.
Leyla Elbrusqızı
Azvision.az