Koçaryana görə yüksək vəzifəli məmurlar dindirildi
Alumyan onu da qeyd edib ki, sabiq prezident Serj Sarkisyan və 2008-ci ildə müdafiə nazirinin müavini olan general Manvel Qriqoryan da istintaq orqanına çağırılaraq mart hadisələri ilə əlaqədar dindirilsələr də, onların heç birinin 2008-ci ilin 23 fevral-2 mart tarixlərində Ermənistanda konstitusiya quruluşunun devrilməsi üzrə açılan cinayət işi ilə bağlı şahidlik etmələrinə dair məlumat yoxdur.
Vəkilin sözlərinə görə, əgər hətta Sarkisyan və Qriqoryan mart hadisələri ilə bağlı şahidlik ediblərsə belə, müstəntiqlər onların ifadəsini Koçaryana qarşı açılan cinayət işində sübut kimi təqdim etməyiblər.
Qeyd edək ki, 2008-ci ilin martın 1-də ölkədə keçirilən etiraz aksiyalarının dağıdılması zamanı 10 nəfərin ölümü və Ermənistanın konstitusiya quruluşunu devirmək cəhdi ilə əlaqədar açılan cinayət işi çərçivəsində ittiham olunan Robert Koçaryan barəsində həbs qətimkan tədbirinin müddəti yanvarın 18-də iki ay müddətinə uzadılıb.
Ötən gün isə Ermənistanın keçmiş prezidenti Serj Sarkisyan Xüsusi İstintaq Komitəsinə çağırılaraq, mart hadisələri ilə əlaqədar 5 saat dindirilib.
Leyla Elbrusqızı
Azvision.az
Teqlər: Ermənistan