Onun sözlərinə görə, Amerikanın Əfqanıstandakı hərbi iştirakı məsələsi “Taliban” silahlı hərəkatı ilə aparılan danışıqların nəticəsindən və ölkədə sülhün bərqərar olmasından asılıdır.

“Əfqanıstanla bağlı sülh danışıqlarına əfqan hökumətinin də qatılması vacibdir. Əfqanıstanın gələcəyinin necə olacağına dair əfqanlar qərar verməlidir. Çünki burada söhbət ABŞ-dan yox, Əfqanıstandan gedir. ABŞ-ın bu regionda mühüm təhlükəsizlik maraqları var. Əfqanıstandakı hərbçilərimizin sayının azaldılması barədə hələ heç bir göstəriş almamışam. Hazırda ABŞ-ın Əfqanıstan üzrə xüsusi nümayəndəsi Zalmay Xəlilzad “Taliban”la danışıqlar aparır. Bizim buradakı hərbi iştirakımızla bağlı məsələ də bu danışıqların nəticəsindən asılı olaraq inkişaf edəcək” , - deyə Şanahan vurğulayıb.

Pentaqonun müvəqqəti rəhbəri onu da əlavə edib ki, Əfqanıstana səfərinin başlıca məqsədi buradakı vəziyyətlə elə yerindəcə tanış olmaq və daha sonra ABŞ prezidenti Donald Trampa məruzə etməkdir.

Leyla Elbrusqızı
Azvision.az