Azərbaycan atleti Dünya Kubokunda gümüş medal qazanıb

  17 Fevral 2019    Oxunub : 1065
Azərbaycan atleti Dünya Kubokunda gümüş medal qazanıb
Azərbaycan tamblinqçisi Mixail Malkin Bakıda keçirilən batut gimnastikası və tamblinq üzrə Dünya Kubokunda gümüş medal qazanıb.
Tamblinq növü üzrə yarışan idmançı final mərhələsində 74.600 xal toplayıb. Rusiyalı Vadim Afanasyev isə 75.100 xalla qızıl medala sahib olub.

Qeyd edək ki, “AGF Trophy”də 30 ölkənin 160-dan çox gimnastı mübarizə aparıb. 2020-ci il Tokio Yay Olimpiya Oyunları üçün təsnifat xarakteri daşıyan Dünya Kubokunda Azərbaycanı 5 idmançı təmsil edib.

Batut yarışlarında qadınlar arasında fərdi proqramda son Avropa çempionatının gümüş medalçısı Veronika Zemlyanaya, kişilər arasında sinxron və fərdi proqramlarda Ruslan Ağamirov, İlya Qrişunin, Oleq Piunov mübarizə aparıblar. Bu idmançılar finala vəsiqə qazana bilməyib.

Azvision.az

Teqlər: Dünya-Kuboku