Trampla Kimin görüşü: “Siz böyük lidersiniz” - (Yenilənib)

  27 Fevral 2019    Oxunub : 6584
Trampla Kimin görüşü: “Siz böyük lidersiniz” - (Yenilənib)
Şimali Koreya lideri Kim Çen Inla ABŞ prezidenti Donald Tramp arasında təkbətək görüş başa çatıb.
Azvision.az xəbər verir ki, liderlərin təkbətək görüşü 10 dəqiqə davam edib. Bundan sonra, prezidentlər məhdud tərkibdə nümayəndə heyətlərinin iştirakı ilə birgə şam yeməyinə başlayıblar.

***
Vyetnamın paytaxtı Hanoyda ABŞ prezidenti Donald Trampla Şimali Koreya lideri Kim Çen Inın sayca ikinci tarixi görüşü başlayıb.

Azvision.az “Reuters”ə istinadən xəbər verir ki, liderlərin görüşü Hanoydakı məşhur “Sofitel Legend Metropole” otelində keçirilir.

“Hesab edirəm ki, sizin ölkəniz inanılmaz, sərhədsiz iqtisadi potensiala malikdir. Sizin öz ölkənizlə əla gələcəyiniz olacaq. Siz (Kim Çen In), böyük lidersiniz. ABŞ ölkənizin inkişafına kömək edə bilər. Burada Kimlə bir yerdə olmaq şərəfdir. Ümid edirəm ki, sammit uğurlu olacaq” – Tramp görüş zamanı Şimali Koreya liderinə deyib.

Bununla belə, ABŞ prezidenti onu da bildirib ki, Şimali Koreyanın tam nüvəsizləşməsi ilə bağlı tələbindən geri çəkilməyib. Jurnalistlərin “Koreya müharibəsinin rəsmən sona çatdığını bəyan edəcəksinizmi?” sualına isə Tramp “baxarıq” cavabını verib.



Kim Çen In isə öz növbəsində ümid edib ki, ABŞ prezidenti ilə bu görüşü bütün tərəfləri qane edəcək: “Bu sammiti keçirmək üçün biz bir neçə maneəni aşmışıq və Sinqapurdakı görüşümüzdən sonra təmkinli olmağa ehtiyacımız var idi. Ümid edirəm ki, bu dəfəki danışıqlar uğurlu olacaq”.



Leyla Elbrusqızı
Azvision.az

Teqlər: Tramp   Kim-Çen-In