Direktor vəzifələrinə namizədlər müəyyənləşdirilir

  28 Fevral 2019    Oxunub : 1174
Direktor vəzifələrinə namizədlər müəyyənləşdirilir
Fevralın 28-də Təhsil Nazirliyinin tabeliyində olan (Bakı şəhərində yerləşən) və Bakı Şəhəri üzrə Təhsil İdarəsinin tabeliyindəki ümumtəhsil məktəbi, lisey və gimnaziyaların direktor müavinləri və müəllimləri üçün keçirilən təlimlərdə uğur qazanan müdavimlərlə müsahibələrə başlanılıb.
Təhsil Nazirliyindən Azvision.az -a verilən məlumata görə, təlim iştirakçıları təhsili idarəetmənin hüquqi əsasları, statistika və təhlil, təhsildə keyfiyyətin, maliyyənin idarəolunması və digər mövzular üzrə bilik və bacarıqlarını artırmaq imkanı əldə ediblər.

Təlimlərdə iştirak etmiş müdavimlərin yekun qiymətləndirilməsinin nəticələrinə əsasən, keçid balını toplamış 27 nəfər növbəti mərhələdə – müsahibədə iştirak etmək hüququ qazanıb.

Müsahibədə uğur qazanan şəxslər Bakı şəhəri üzrə vakant direktor vəzifələrinə namizəd kimi müəyyənləşdiriləcək.

Azvision.az

Teqlər: Bakı   Məktəb   Direktor