Dünyanın ən bahalı futbolçuları - Ronaldo siyahıda yoxdur

   Dünyanın ən bahalı futbolçuları -    Ronaldo siyahıda yoxdur
  28 Mart 2019    Oxunub:4518
Dünyanın ən bahalı futbolçularının yeni reytinq siyahısı açıqlanıb.

Azvision.az xəbər verir ki, “KPMG Football Benchmark” idman nəşrinin tərtib etdiyi siyahıda birinci yerdə braziliyalı hücumçu Neymardır.
Fransanın “Paris Sen-Jermen” klubunda çıxış edən 27 yaşlı hücumçunun transfer dəyəri 229,1 milyon avrodur.

İkinci sırada “Paris Sen-Jermen”in digər futbolçusu, 215 milyon avro dəyərində olan Kilian Mbappe qərarlaşıb. İspaniyanın “Barselona” klubunun argentinalı hücumçusu Lionel Messi 203,3 milyon avro ilə siyahıda üçüncüdür.

“Liverpul”un misirli hücumçusu Məhəmməd Salah (168,3 milyon avro) dördüncü, “Tottenhem”ın hücumçusu Harri Keyn (151,1 milyon avro) beşincidir.

İlk onluğu müvafiq olaraq, “Çelsi”nin hücumçusu Eden Hazard (148,2), “Mançester Siti”nin yarımmüdafiəçisi Kevin De Brüyne (129,4), “Atletiko Madrid”in hücumçusu Antuan Qrizman (125,6), “Mançester Yunayted”in yarımmüdafiəçisi Pol Poqba (119,3) və “Barselona”nın yarımmüdafiəçisi Filipe Koutinyo (118,2) tamamlayıblar.

Qeyd edək ki, “Yuventus”un portuqaliyalı futbolçusu 34 yaşlı Kriştiano Ronaldo ilk onluqda yer ala bilməyib.

Azvision.az


Teqlər: Neymar   Messi  





Xəbər lenti