Ermənistan-İran sərhədi genişləndirilir

Ermənistan-İran sərhədi genişləndirilir
  18 Noyabr 2013    Oxunub:3945
İranla Ermənistanın sərhəd bölgəsində nəqliyyat infrastrukturları genişləndiriləcək.
AzVision.az xarici mətbuata istinadən xəbər verir ki, bu barədə jurnalistlərə açıqlamasında "Araz sərbəst iqtisadiyyat bölgəsi" təşkilatının icra katibi Mohsen Arab Bağı bildirib.

Hər iki ölkə arasındakı iqtisadiyyat əlaqələrinə toxunan katibin sözlərinə görə, İranla Ermənistanın iqtisadi-sosial, ticarət əlaqələrinin genişlənməsində Norduz sərhəd bölgəsi böyük rol oynayır:
“Norduz, İranın istehsal etdiyi mallarını Ermənistana ixrac etmək üçün ən əlverişli ticarət yoludur. İxrac və idxal işlərini inkişaf etdirmək üçün bu bölgədə nəqliyyat strukturlarının genişləndirilməsi, məqsədəuyğun anbarların tikilməsi zərusi hala çevrilib”.

Xatırladaq ki, bu il iyulun 16-da İrəvanda Ermənistan-İran biznes forumu keçirilib. Forumda 60-dan çox İran şirkətinin nümayəndəsi iştirak edib.



Teqlər:  





Xəbər lenti