Hazırda "Petkim" konteyner limanının infrastrukturunun təqribən 42 faizinin tikintisi başa çatıb, habelə torpaq işlərinin 82 faizə yaxını görülüb. AzVision.az xəbər verir ki, bunu çərşənbə günü jurnalistlərə "Petkim" neft-kimya holdinqinin İdarə heyətinin sədri Kənan Yavuz deyib.
Onun sözlərinə görə, limanın tikintisinin 2015-ci ildə başa çatacağı, tikinti layihəsinin dəyərinin isə 400 milyon dollar təşkil edəcəyi gözlənilir: "APM Terminals"ın gücü Aslancaq limanının gücünü təqribən 50 faiz üstələyəcək".
K.Yavuz bildirib ki, konteyner limanının tikintisi regionun inkişafına yardım edəcək və liman uzunluğu 300 metrədək konteynerləri qəbul edə biləcək: "Yeni limanın intensiv tikilməsi "SOCAR Turkey Enerji"nin sərmayələri sayəsində mümkün olur. Hazırda "SOCAR Turkey Enerji" Türkiyədə çox sərfəli enerji layihələri həyata keçirir".
O vurğulayıb ki, "SOCAR Turkey Enerji" "Petkim" şirkətini əldə etdikdən sonra daha aktiv inkişaf etməyə başladı və hazırda həyata keçirilən layihələr bunu sübut edir: "Petkim" şirkəti 19 il özəlləşdirmə mərhələsində olub".
"SOCAR Turkey Enerji"nin Türkiyəyə yatırdığı sərmayələr Türkiyə-Azərbaycan dostluq əlaqələrinin bariz nümunəsidir.
İdarə heyətinin sədri deyib ki, "Petkim" şirkəti hazırda Türkiyənin neft-kimya sahəsinin 25 faizinə nəzarət edir: "Petkim"in gəlirləri 9 ay ərzində xeyli artıb və bu göstərici gələcəkdə də artacaq".
"SOCAR Turkey Enerji" Türkiyənin sənaye istehsalı sahəsində ikinci yeri tutur.
`SOCAR`ın Türkiyədə tikdiyi liman regionun inkişafına yardım edəcək
21 Noyabr 2013
Oxunub:1274
"SOCAR Turkey Enerji": Türkiyədə yeni konteyner limanının tikintisi regionun inkişafına yardım edəcək.
Vaxtında, Aydın, Lazımlı!
-1732384831.jpg&h=190&w=280&zc=1&q=100)
-1732379381.jpg&h=190&w=280&zc=1&q=100)
-1732371823.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
