Azərbaycan Qran-Prisinin üçüncü sərbəst yürüşü başladı

  27 Aprel 2019    Oxunub : 1037
Azərbaycan Qran-Prisinin üçüncü sərbəst yürüşü başladı
Formula 1 SOCAR Azərbaycan Qran-Prisinin üçüncü sərbəst yürüşü başlayıb.
Azvision.az xəbər verir ki, yürüşə hər biri iki pilotdan ibarət 10 komanda qatılıb.

“Mercedes” komandasının heyətində Luis Hamilton və Valtteri Bottas, “Ferrari” komandasında Sebastian Fettel, Çarls Lekler, “Williams”ın heyətində Corc Rassell və Ronert Kubitsa yarışırlar. “Red Bull Racing” komandasında Ryer Qasli, Maks Ferstappen, “Racing Point”də Serxio Peres və Lens Stroll, “Renault”da isə Niko Hulkenberq ilə Daniel Rikkardo mübarizə aparırlar. Bundan başqa, “Toro Rosso”nun heyətində Aleksandr Albon və Daniil Kvyat, “Alfa Romeo”da Antinio-Covinatsi, Kimi Raykonnen, “McLaren”də Lando Norris və Karlos Sayns yürüşdə iştirak edirlər. Pilotlar Roman Qroxan və Kevin Maqnussen isə “Haas” komandasının idman şərəfini qoruyurlar.

Yürüş iştirakçıları bir saat ərzində uzunluğu 6 kilometr olan Bakı trekində yarışacaqlar.

Qeyd edək ki, bu gün, həmçinin sıralama yürüşü də keçiriləcək. Aprelin 28-də isə Formula 1 azarkeşləri Azərbaycan Qran-Prisində qalib adı uğrunda mübarizənin şahidi olacaqlar.

Elvin Abdulqədirov
Azvision.az

Teqlər: Formula1   AzerbaijanGP   F1   Bakı