Xəzərdə rusiyalı brakonyerlər güllələnib

Xəzərdə rusiyalı brakonyerlər güllələnib
  26 Noyabr 2013    Oxunub:1003
Qazaxıstan sərhəd xidmətçiləri Xəzər dənizində Rusiyadan olan brakonyerlərin saxlanılması zamanı silahdan istifadə ediblər. Nəticədə bir nəfər ölüb, biri isə yaralanıb.

Qazaxıstan Sərhəd Xidmətindən verilən məlumata görə, brakonyerlər, Xəzər dənizinin Qazaxıstana aid sularının şimal hissəsində iki ədəd “bayda” tipli qayıqla üzərkən aşkarlanıb. Sərhədçiləri görən brakonyerlər qaçmağa cəhd ediblər.

Brakonyerlər xəbərdarlığa məhəl qoymadıqlarından sərhədçilər atəş açmağa məcbur olublar. Nəticədə qayıqların birində olan 4 Rusiya vətəndaşından biri həlak olub.

Qazaxıstan sərhəd xidmətinin məlumatına görə, saxlanılanlardan ikisi daha öncə, cinayətkar dəstənin tərkibində Qazaxıstan sərhədlərini pozub və məsuliyyətə cəlb olunublar.

AzVision.az


Teqlər:





Xəbər lenti