İranın Buşəhr vilayətində Boracan şəhərindən 14 kilometr məsafədə 5,7 bal gücündə zəlzələ baş verib.
AzVision.az İRNA-ya istinadən xəbər verir ki, bu barədə İran Seysmoloji Xidməti xəbər yayıb.
Yerli vaxtla saat 17:21-də baş vermiş zəlzələ nəticəsində bəzi evlərə ziyan dəydiyi bildirilir.
"Fars" agentliyinin məlumatına görə, zəlzələnin mərkəzi Buşəhr şəhərinin 65 kilometrliyində yerləşən Boracan şəhəridir. Zəlzələ Buşəhr əyalətinin bütün bölgələrində hiss olunub. Əhali təşviş içində küçələrə axışıb.
IRINN kanalının məlumatına görə, Buşəhr vilayət başçısının müavini Şapur Rüstəmi deyib ki, Dəştestan və Borazcan şəhərlərində elektrik enerjisi kəsilib, rabitə və digər infrastruktura ziyan dəyib.
Hazırda həmin şəhərlərə və ətraf yaşayış məntəqələrinə xilasedicilər və ekspert qrupu göndərilib.
Ş.Rüstəminin sözlərinə görə, evlərin divarlarında çatlar əmələ gəlib, bəzi evlərin divarları dağılıb. Buşəhrdə böhran mərkəzi yaradılıb.
İranın Qırmızı Aypara Cəmiyyətinin mətbuat katibi Hüseyn Dərəxşan ISNA agentliyinə deyib ki, zəlzələ nəticəsində Borazcan şəhərinin Dəhqayi kəndində 3 nəfər yaralanıb.
İranın Böhran vəziyyətinin idarə edilməsi təşkilatının sədri Həsən Qədəmi isə bildirib: "Bizdə olan son məlumatlara görə, baş vermiş zəlzələ nəticəsində çox sayda insan yaralanıb və həmvətənlərimizin bir neçəsi ölüb".
Onun sözlərinə görə, hadisə nəticəsində 8 nəfər ölüb, 44 nəfər yaralanıb, o cümlədən 10 nəfərin vəziyyəti ağırdır.
İranda 6 bala yaxın zəlzələ oldu- 8 ölü, 44 yaralı YENİLƏNİB
28 Noyabr 2013
Oxunub:1188
Vaxtında, Aydın, Lazımlı!
-1732726561.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
