Final mərhələsinin nəticələri açıqlandı

  02 İyul 2019    Oxunub : 799
Final mərhələsinin nəticələri açıqlandı
Ümumi təhsil məktəblərinin VI-VII sinif şagirdləri arasında keçirilən V Məktəblilərarası fənn müsabiqələrinin final mərhələsinin nəticələri açıqlanıb.
Azvision.az xəbər verir ki, müsabiqələr riyaziyyat və informatika fənləri üzrə VI, fizika, kimya və biologiya fənləri üzrə VII sinif şagirdləri arasında keçirilib. Hər bir fənn üzrə ən yaxşı nəticə göstərən 5 şagird 1-ci yerə, növbəti 10 şagird 2-ci yerə, növbəti 15 şagird isə 3-cü yerə layiq görülüb.

Yer tutan şagirdlərdən əlavə olaraq, hər bir fənn üzrə müsabiqənin final mərhələsində iştirak edən şagirdlərin ən yüksək nəticə göstərən 10%-i qədəri həvəsləndirici sertifikatla təltif olunacaqlar. Müsabiqələrin mükafatlandırma mərasimi növbəti (2019-2020-ci) tədris ilinin əvvəlində keçiriləcək.

Təşkilat komitəsinin qərarına əsasən qiymətləndirmə zamanı müvafiq fənnə aid tapşırıqların əmsalı 2.5, məntiqi təfəkkürü ölçmək üçün təqdim edilən tapşırıqların əmsalı isə 1.5 olaraq müəyyən edilib.

Azvision.az

Teqlər: İmtahan   Məktəb