Havanın temperaturu 8 dərəcə aşağı enəcək

  10 İyul 2019    Oxunub : 1083
 Havanın temperaturu 8 dərəcə aşağı enəcək
"Sevindiricidir ki, iyul ayının birinci ongünlüyündə yayın qızmar istisi bizi sınağa çəkmir. Havanın orta temperaturu bu ayın normasını cəmi 0,7 dərəcə üstələyir".
Azvision.az xəbər verir ki, bunu jurnalistlərə açıqlamasında ETSN-in Milli Hidrometeorologiya Departamentinin direktoru Umayra Tağıyeva deyib.

Onun sözlərinə görə, yaxın istirahət günlərində hava şəraiti bu ay üçün nisbətən sərin keçəcək, iyulun 12-də axşama doğru şimal-qərb, şimal küləyinin güclənəcəyi gözlənilir:

"Hava iyulun 13-14-də güclü küləkli olacaq, küləyin maksimal sürətinin saniyədə 23-28 metrə çatacağı proqnozlaşdırılır, buna görə də dənizdə istirahət zamanı diqqətli olun. Havanın temperaturu isə bu günlə müqayisədə 5-8 dərəcə aşağı enərək, 28-32 dərəcədən yüksək olmayacaq. Bu da bizim regionda ilin bu fəsli üçün nisbətən komfort temperatur göstəriciləri sayıla bilər. Respublikanın rayonlarında, xüsusən də dağlıq və dağətəyi ərazilərdə qısamüddətli leysan xarakterli yağış, dolu ehtimalı var. Dağ çaylarında sululuğun artacağı gözlənilir".

Aytən Zəhra
Azvision.az


Teqlər: Hava   ETSN