Müəllimlərin işə qəbulu üzrə vakansiya seçimi başa çatır

Müəllimlərin işə qəbulu üzrə vakansiya seçimi başa çatır
  14 Avqust 2019    Oxunub:1744
Müəllimlərin işə qəbulu üzrə vakansiya seçimi mərhələsi avqustun 14-ü saat 13:00-da yekunlaşacaq.
Təhsil Nazirliyindən Azvision.az -a verilən məlumata görə, indiyədək 23 609 namizəd vakansiya seçimi mərhələsində iştirak edib, onlardan 12 013 namizəd elektron ərizəsində seçdiyi vakant yerləri təsdiqləyib.

Vakansiya seçimi başa çatdıqdan sonra elektron yerləşdirmə həyata keçiriləcək. Vakant yeri tutmaq hüququ qazanan namizədlər müsahibə mərhələsinə dəvət olunacaqlar.

Qeyd edək ki, vakant yerləri builki və ötənilki müəllimlərin işə qəbulu üzrə müsabiqənin test mərhələsində müvafiq keçid balı toplamış, həmçinin 10 ildən çox fasiləsiz olaraq müddətsiz müqavilə ilə ümumi təhsil müəssisələrində pedaqoji fəaliyyətlə məşğul olmuş, 3 ildən az olmayan müddətdə işdən ayrılmış, diaqnostik qiymətləndirilmədə iştirak etmiş namizədlər seçə bilərlər.

Ümumilikdə Bakı şəhəri də daxil olmaqla, respublikada ümumi təhsil müəssisələri üzrə 7 mindən artıq vakant yer müsabiqəyə çıxarılıb.

Azvision.az



Teqlər: Təhsil-Nazirliyi   Müəllim  





Xəbər lenti