Ermənistanda məhkumlar qiyam qaldırdı

  06 Sentyabr 2019    Oxunub : 1819
Ermənistanda məhkumlar qiyam qaldırdı
Ermənistanın Nubaraşen həbsxanasında məhkumlar qiyam qaldırıb.

Azvision.az erməni KİV-lərinə istinadən xəbər verir ki, məhkumlar həbsxanada baş verən qanunsuzluqlara və saxlanılma şəraitinin acınacaqlı olmasına etiraz ediblər.
Məsələ ilə bağlı ədliyyə naziri Rüstəm Badasyan açıqlama verib. Bildirib ki, həbsxanaya əlavə mühafizə dəstələri göndərilib və üsyanın qarşısı alınıb. Onun sözlərinə görə, hazırda islah-əmək koloniyasında vəziyyət sabitdir. Üsyançı məhkumların yenidən itaətsizlik göstərəcəyi təqdirdə əlavə tədbirlər görüləcək.

Erməni KİV-lərində yer alan məlumatlara əsasən, həbsxananın mühafizə işçiləri kriminal avtoritetlər üçün rüşvət müqabilində qadağan olunmuş müxtəlif əşyalardan, habelə narkotik vasitələrdən istifadə edilməsinə şərait yaradırlar. Korrupsiya və özbaşınalığın hökm sürdüyü koloniyada digər məhkumlar aclıq və antisanitariya şəraitində saxlanılır.

Azvision.az

Teqlər: Ermənistan   Qiyam   Məhkum   Həbsxana  






Azvision.az ©2014 | Bütün hüquqları qorunur