Vyanada İranla “altılıq” ölkələri arasında ekspertlər səviyyəsində görüş keçiriləcək.
Dekabrın 9-10-da Vyanada İranla “altılıq” ölkələri arasında ekspertlər səviyyəsində görüş keçiriləcək. AzVision.az İRİB-ə istinadən xəbər verir ki, bunu İranın Atom Enerjisi üzrə Beynəlxalq Agentlikdəki daimi nümayəndəsi Rza Nəcəfi bildirib. Onun sözlərinə görə, görüşdə Cenevrə razılaşmasının müddəalarının icraya yönəldilməsi əsas müzakirə mövzusu olacaq: “İran nümayəndə heyətinə İran Xarici İşlər Nazirliyinin beynəlxalq iqtisadi məsələlər şöbəsinin müdiri Həmid Bəidinejad, “altılıq” ölkələrinə isə Avropa Birliyinin xarici işlər və təhlükəsizlik siyasəti üzrə ali nümayəndəsinin müavini Ştefan Klement rəhbərlik edəcək”.