Gürcüstan prezidenti: “Rusiya ilə dialoqdan imtina etməmişik”
Azvision.az "Sputnik Gürcüstan"a istinadən xəbər verir ki, ölkə başçısı bu barədə BMT Baş Assambleyasının 74-cü sessiyasında çıxışı zamanı deyib.
Zurabişvili qeyd edib ki, Gürcüstanın müharibəyə cavabı bir çox komponentdən ibarətdir. Bir tərəfdən bu, sülhün qorunması, digər tərəfdən isə ölkənin inkişafıdır.
"Fəaliyyətə və diplomatiyaya ehtiyacımız var. Biz Rusiya ilə dialoqdan imtina etməmişik. Ekspert müzakirələrindən konkret siyasi danışıqlara keçməliyik. Problemlərin həllində Cenevrə formatından istifadə etmək üçün hər iki tərəfin siyasi iradəsi lazımdır. Rusiyanı atəşkəs rejimiminin tətbiqi ilə bağlı müzakirələrə cəlb etməklə bağlı rəsmi və ya qeyri-rəsmi dialoqlara, forumlara ehtiyac var", - deyə Zurabişvili vurğulayıb.
Şahanə Rəhimli
Azvision.az
Teqlər: SalomeZurabişvili