Gələn ildən heyvanların identifikasiyası həyata keçiriləcək

  04 Dekabr 2019    Oxunub : 1028
Gələn ildən heyvanların identifikasiyası həyata keçiriləcək
"Heyvan sağlamlığı olmadan qida təhlükəsizliyini təmin etmək mümkün deyil. Bizim birinci məqsədiniz Azərbaycanda zoonoz-heyvan mənşəli xəstəliklərin qarşısını almaq, heyvanların identifikasiyasını həyata keçirməkdir".
Azvision.az xəbər verir ki, bunu jurnalistlərə açıqlamasında Qida Təhlükəsizliyi Agentliyinin (AQTA) sədri Qoşqar Təhməzli deyib. Onun sözlərinə görə, Kənd Təsərrüfatı Nazirliyi ilə birlikdə 2020-ci ildən başlayaraq öncə Abşeron, sonra rayonlarda heyvanların identifikasiyası həyata keçiriləcək.

"Rəqəmsallaşma inkişaf etdiyi üçün düşünürəm ki, 2019-2025-ci illər Dövlət Proqramının sonuna qədər daha yeni inzibati metodlar çıxacaq və Azərbaycanda istər iri buynuzlu, istər xırda buynuzlu heyvanlar, istərsə də digər heyvanlar üzərində identifikasiyanı həyata keçirə biləcəyik".

Aytən Zəhra
Azvision.az

Teqlər: AQTA