Bakı Konqress Mərkəzində Varisin yeni romanı təqdim olundu

Bakı Konqress Mərkəzində Varisin yeni romanı təqdim olundu
  27 Fevral 2020    Oxunub:1712
Azərbaycan Gənclər Fondu Heydər Əliyev Fondunun vitse-prezidenti Leyla xanım Əliyevanın təşəbbüsü ilə “Xocalıya ədalət” kampaniyası çərçivəsində işıq üzü görən “Qırmızı ləçəklər” romanının Bakı Konqres Mərkəzində təqdimatını və imza mərasimini keçirmişdir.
Yazıçı Varisin yazdığı bu romanda azərbaycanlı Əlif Hacıyevlə belarus Qalina Mankonun Xocalı soyqırımı nəticəsində yarımçıq qalmış gerçək bir sevgi hekayəti qələmə alınmışdır.

Romanda 1984-cü ildə Əskəranda sahə müvəkkili kimi xidmət apararkən gizli erməni separatizminin izinə düşən, şərlənib həbs olunaraq 5 il həbsxanada yatdıqdan sonra bu dəfə Xocalı aeroportunun komendantı vəzifəsində erməni millətçiləri ilə mübarizə aparan Azərbaycanın Milli Qəhrəmanı Əlif Hacıyevin şərəfli həyat yolu oxuculara təqdim olunur, Dağlıq Qarabağın tarixi barədə bilgilər verilir, 26 fevral faciəsinə qədərki və faciə zamanındakı Xocalı təsvir olunur.

Geniş oxucu kütləsi üçün nəzərdə tutulan roman hazırda xarici dillərə də tərcümə olunur, “Xocalıya ədalət” kampaniyası çərçivəsinsə bir neçə xarici ölkədə nəşri planlaşdırılır.



Teqlər:





Xəbər lenti