Ermənistanda baş vermiş silahlı insidentin təfərrüatları
Hadisədən sonra şəhərdə vəziyyət gərginləşib. Belə ki, atışmada öldürülən müstəntiqin qohumları dəmir alətlərlə silahlanaraq polis əməkdaşlarının olduğu xəstəxanaya hücum çəkiblər. Onlar xəstəxananın əmlakını dağıtmağa başlayıblar, bundan sonra polis kordonunu yararaq palataya giriblər və yaralıların boğazını kəsməklə onları qətlə yetiriblər.
Xəstəxanada öldürülən şəxslər Armen və Xaçik adlı qardaşlardır. Silahlı insident zamanı ölənlərdən biri Qavarın Noratus kəndinin "Noratus ayısı" birliyinin üzvüdür.
Hadisə şahidlərinin sözlərinə görə, Qavardan və "Noratus ayısı" birliyindən olan yeniyetmələr mübahisə ediblər. Bu vaxt hərbi polisin müstəntiqi Zorik Paronikyan vəziyyətə müdaxilə edib və nəticədə atışma baş verib.
Pərvanə Sultanova
Azvision.az
Teqlər: Ermənistan İnsident