İsrail Suriyaya hücumuna dair məlumatları şərh etməyib
“Xarici mediada yayılan məlumatları şərh etmirik”, - deyə İsrail ordusundan bildirib.
Xatırladaq ki, Suriyanın dövlət agentliyi “SANA” bu gecə İsrail ordusunun Suriyanın cənub bölgələrinə raket hücumu etdiyini yazıb.
Agentliyin məlumatına görə, hücum Qolan yüksəkliklərindəki mövqelərdən İsrail ordusunun helikopterləri tərəfindən həyata keçirilib. Cəmi bir neçə raket atılıb. Hadisə nəticəsində maddi ziyanın dəydiyi də qeyd edilib.
Xatırladaq ki, üç gün əvvəl Suriya mediası İsrailin Dəməşq əyalətindəki hədəflərə zərbələr endirməsi və üç mülki şəxsin həlak olması barədə də məlumat yaymışdı.
Pərvanə Sultanova
Azvision.az
Teqlər: