Rusiyada sabahdan qeyri-iş günləri başa çatır
Onun sözlərinə görə, görülən tədbirlər məhdudiyyətlərin tədricən yüngülləşməyə doğru irəliləməsinə imkan verir.
Putin koronavirus epidemiyasından tezliklə qurtulmağın mümkün olmayacağını deyib və bütün sanitariya tələblərinin qorunmasının vacibliyini önə çəkib. O əlavə edib ki, kütləvi tədbirlərə qadağa hələ də qalmaqdadır.
Özünü təcrid rejimi 65 yaşdan yuxarı insanlar və xroniki xəstəlikləri olanlar üçün qüvvədədir.
"Evdə qalmağın nə qədər çətin olduğunu başa düşürəm, amma indi yenə də səbr etməlisiniz. Bunlar boş sözlər deyil, həyati vacib məsələdir. Məhdudiyyət rejimi hələ də mövcuddur, çünki biz sizə görə narahatıq və təhlükəni aradan qaldırmaq üçün bunu edirik”, - deyə Putin vurğulayıb.
Pərvanə Sultanova
Azvision.az