Almaniya “DQR nümayəndəsi”nin fəaliyyətini qadağan etdi

  22 May 2020    Oxunub : 7953
   Almaniya “DQR nümayəndəsi”nin fəaliyyətini qadağan etdi
Almaniya Xarici İşlər Nazirliyi (XİN) Azərbaycan ərazilərinin işğalını qanuni saymır və işğal olunmuş ərazilərdə yaradılan qondarma rejimin mövcudluğunu tanımır.
Azvision.az xəbər verir ki, rəsmi Berlin Arutyun Qriqoryanın başçılıq etdiyi qondarma rejimin Almaniyadakı nümayəndəliyinin fəaliyyətini qanunsuz hesab edir.

XİN-in məlumatında bildirilib: "Almaniya Federativ Respublikası qondarma rejimi tanımır. Müvafiq olaraq qondarma rejimin nə akkreditə olunmuş diplomatik və ya konsulluq nümayəndəsi, nə də tanınmış nümayəndəliyi mövcud deyil".

Həmçinin qeyd olunub ki, bununla əlaqədar Almaniya XİN yazılı şəkildə Qriqoryandan Azərbaycanın işğal altında olan ərazilərində yaradılmış qondarma rejimin diplomatik və ya konsulluq nümayəndəliyini yaratmağı dərhal dayandırmağı tələb edib. Tələbin yerinə yetirilmədiyi təqdirdə hüquqi tədbirlərin görüləcəyi diqqətə çatdırılıb.

Azvision.az

Teqlər: Almaniya   XİN