Almaniyadan Qarabağ separatçılarına növbəti zərbə

   Almaniyadan Qarabağ separatçılarına növbəti zərbə
  23 May 2020    Oxunub:3571
Ermənistan tərəfindən işğal olunmuş Qarabağda onun idarə etdiyi oyuncaq rejimin adından yaradılmış “arzach.de” veb-saytı bağlanıb.

Azvision.az AzərTAc-a istinadən xəbər verir ki, Almaniya hakimiyyət orqanları bu qərarı azərbaycanlıların həmin saytın səhifələrində hökm sürən separatizmin, işğalçılığın və dinc sakinlərin öz evlərinə qayıtmasına yol verilməməsini təbliğ edildiyini göstərən təkidli müraciətlərindən sonra qəbul olunub.
Ermənistanın hakimiyyət orqanları Almaniya domenində açılmış saytda həm də alman turistlərini Azərbaycanın işğal olunmuş ərazilərinə cəlb etməyə cəhd göstərirdilər.

Eyni zamanda qondarma “Arsax Respublikası”nın AFR-dəki səfiri” Arutyun Qriqoryanın “Facebook”da profili də ləğv edilib. Həmçinin Berlində fəaliyyət göstərən “Avropa Arsax Tədqiqatları Mərkəzi” də bu günlərdə bağlanılıb.

Azvision.az



Teqlər: Almaniya   Azərbaycan  





Xəbər lenti