Beyrut limanının direktoru saxlanıldı
Koreytem daha əvvəl partlayıcı maddələrin limanda saxlandığını bildiyini, lakin onların bu qədər təhlükəli olduğunu təsəvvür etmədiyini deyib.
O, həmçinin qeyd edib ki, liman xidməti 2014-cü ildən bəri bir neçə dəfə məhkəmə orqanlarına təhlükəli malların olması barədə bildiriş göndərsə də, onlarla necə davranacaqları barədə cavab almayıb.
Telekanalın məlumatına görə, liman direktoru saxlanılan 16 şübhəli arasındadır və onun ölkədən kənara çıxmasına qadağa qoyulub.
Xatırladaq ki, Beyrutda baş vermiş güclü partlayışda 149 nəfər ölüb, 5 mindən çox insan yaralanıb. Livanın Baş Naziri Həsən Diab partlayışa 2750 ton ammonium nitratının düzgün saxlanılmamasının səbəb olduğunu bildirib.
Pərvanə Sultanova
Azvision.az