Vyetnam koronavirusa qarşı Rusiya peyvəndi alacaq

  14 Avqust 2020    Oxunub : 2346
Vyetnam koronavirusa qarşı Rusiya peyvəndi alacaq
Vyetnam Səhiyyə Nazirliyi koronavirus infeksiyasına qarşı Rusiya peyvəndini almaq üçün müraciət edib.
Azvision.az “Reuters”ə istinadən xəbər verir ki, bu barədə ölkənin dövlət televiziyasının efirində bildirilib.

"Eyni zamanda, Vyetnam COVID-19 əleyhinə öz peyvəndini inkişaf etdirməyə davam edəcək", - deyə məlumatda qeyd olunub.

Xatırladaq ki, avqustun 11-də Rusiya dünyada ilk olaraq "Sputnik V" adlı koronavirus peyvəndini qeydə alıb. Dərman Rusiya Federasiyası Səhiyyə Nazirliyinin N.F. Qamaley adına Milli Epidemiologiya və Mikrobiologiya Mərkəzi tərəfindən hazırlanıb, iyun-iyul aylarında klinik sınaqlardan keçib.

Pərvanə Sultanova
Azvision.az

Teqlər: Vyetnam