Azərbaycanın strateji valyuta ehtiyatları artıb

  18 Sentyabr 2020    Oxunub : 6414
Azərbaycanın strateji valyuta ehtiyatları artıb
Xarici mühitdə vəziyyət qeyri-müəyyən olaraq qalır. Bir çox ölkələrdə karantin rejiminin qismən yumşaldılması ilə qlobal iqtisadi aktivlikdə müəyyən yaxşılaşma müşahidə edilsə də, epidemiyanın 2-ci dalğası gözləntiləri fonunda bərpa prosesi çox ləng gedir.
Mərkəzi Bankdan Azvision.az -a verilən məlumata görə, sentyabrın əvvəlində dünya maliyyə bazarlarında, o cümlədən ticarət partnyoru olan ölkələrin valyuta bazarlarında dalğalanmalar yenidən yüksəlib.
Xarici valyutaların manata qarşı məzənnələri

Qeyd edilib ki, dünya bazarında əmtəə qiymətləri üzrə də volatillik yüksəlib: "Avqustda brent markalı neftin orta qiyməti 45 ABŞ dolları olduğu halda, sentyabrın ötən dövründə 42.1 ABŞ dollarına enib. Dünyanın bir çox ölkələrində karantin rejiminin qalması neftə tələbin davamlı bərpasına mane olur. Aşağı neft qiymətlərinə baxmayaraq, ilin əvvəlindən ölkənin xarici ticarət balansı profisitli qalır ki, bu da strateji valyuta ehtiyatlarının artmasına şərait yaradır.

Hazırda strateji valyuta ehtiyatları 51.4 mlrd. ABŞ dolları təşkil edir ki, bu da ilin əvvəli ilə müqayisədə 0.6% çoxdur. Mərkəzi Bankın valyuta ehtiyatları ilin əvvəlindən 3.7% artıb".

Azvision.az

Teqlər: Mərkəzi-Bank   Valyuta