Büdcədən vəsait alacaq partiyalar - SİYAHI, MƏBLƏĞ

  10 Fevral 2013    Oxunub : 507
Büdcədən vəsait alacaq partiyalar - SİYAHI, MƏBLƏĞ
Maliyyə Nazirliyi dövlət büdcəsindən vəsait ayrılan siyasi partiyaların adlarını açıqlayıb.
Maliyyə Nazirliyinin mətbuat xidmətindən bildirilib ki, siyasi partiyalara dövlət büdcəsindən ayrılmış vəsaitin siyasi partiyalar arasında bölgüsü, onların müvafiq bank hesablarına köçürülməsinin təmin edilməsi məhz bu quruma tapşırılıb.

Bu baxımdan müvafiq qanun və Prezidentin Fərmanı əsas götürülməklə, 2013-cü il dövlət büdcəsində siyasi partiyaların fəaliyyətinin maliyyələşdirilməsi ilə bağlı nəzərdə tutulan maliyyə yardımı aşağıdakı məbləğlərdə aidiyyəti siyasi partiyalar arasında bölüşdürülüb.



№ Siyasi partiyaların adı Məbləğ (manatla)

1 Yeni Azərbaycan Partiyası - 1145125,89
2 Vətəndaş Həmrəyliyi Partiyası - 136089,81
3 Ana Vətən Partiyası - 121029,57
4 Sosial Rifah Partiyası - 105969,33
5 Azərbaycan Demokratik İslahatlar Partiyası - 105969,33
6 Azərbaycan Ümid Partiyası - 105969,33
7 Bütöv Azərbaycan Xalq Cəbhəsi Partiyası - 105969,42
8 Vətəndaş Birliyi Partiyası - 105969,33
9 Böyük Quruluş Partiyası - 105969,33
10 Milli Dirçəliş Hərəkatı Partiyası - 105969,33
11 Ədalət Partiyası - 105969,33

Qeyd edək ki, dövlət büdcəsindən ayrılan vəsait Azərbaycan Respublikası Maliyyə Nazirliyi tərəfindən, partiyaların təqdim etdiyi sifarişlər əsasında rüblər üzrə siyasi partiyanın bank hesabına köçürülməsi təmin ediləcək.

Teqlər: