Paşinyan indi də xilasediciləri ölümə göndərdi
Azvision.az xəbər verir ki, Paşinyan indi də Fövqəladə Hallar Nazirliyinin xilasedicilərini ölümə göndərməyə başlayıb. Belə ki, bu gün xilasedicilərdən ibarət könüllü qrup cəbhə bölgəsinə yola düşüb.
Ermənistanın fövqəladə hallar naziri Feliks Çolakyan bu barədə “Facebook” səhifəsində yazıb: “Cəbhə xəttinə yola düşməzdən əvvəl xilasedicilərimiz Fövqəladə Hallar Nazirliyinin bölmə rəhbərlərinin nəzarəti altında müvafiq təlim keçdilər. Qalib qayıdın, eyni heyətlə hamınızı gözləyirik".
Çolakyanın ən müasir silah və hərbi texnikalara sahib olan Azərbaycan Ordusunun üzərinə göndərdiyi xilasedicilərin qalib qayıtmaq ehtimalı sıfıra bərabərdir. Penitensiar, polis və digər dövlət qurumlarının işçilərini məcburi şəkildə "könüllü" kimi cəbhənin ən qaynar nöqtələrinə göndərən Paşinyanın son ümidi FHN işçilərinə qalıb. Lakin bu, bir həqiqətdir ki, məğlub Nikolu heç xilasedicilər də xilas edə bilməyəcək. Çünki onun qarşısında torpaqlarını işğaldan azad edən müzəffər Azərbaycan Ordusu dayanır.
Tural Tağıyev
Azvision.az
Teqlər: Ermənistan Paşinyan