Qarabağdan qaçanlar Ermənistanda küçələrdə qalır |
“Haqlısınız, milli maraqlarımızı satanların məsələsini aktuallaşdırmağın zamanıdır. Satqınlar rəhbərlikdədir, cəbhədə isə hər şey daha da pisdir...”
Rafael Poqosyan yazıb: “Vətən xainləri torpaqlarımızı çoxdan satıblar və indi bu milyonlar hesabına Amerikada yaşayırlar”.
Şərhlərdə fikir ayrılığı da yaranıb. Ano Hayriyan adlı istifadəçi yazıb: “Belə ağır günlərdə bu cür məsələni necə qaldırmaq olar? "Qələbəmizdən" sonra bu kimi problemləri oturub müzakirə edə bilərik. Qələbə nə Sarkisyanın, nə Nikolun, nə də Köçəryanın olacaq. Tarix sizə heç nəyi dərs etmədimi? 2016-cı il hadisələri sizi oyatmamışdımı? Guya strateji əhəmiyyəti olmayan, lazımsız torpaqları vermişdik. Açın xəritəni və baxın ki, həmin yerlər üçün nə qədər övladlarımızı qurban verdik. Burada etiraz şərhləri yazan kişilər, yeriniz saytlar yox, cəbhə olmalı idi...”
Aleco adlı erməni isə vurğulayıb ki, bu statusda həqiqətlər çoxdur və Paşinyanın istefası bir çox problemi həll edəcək. O, həmçinin iddia edir ki, Türkiyə xüsusi xidmət orqanlarının agentləri artıq Ermənistanın idarəçilik sisteminə sızıb: “Ölkəni agentlərdən təmizləmək lazımdır”.
Müzakirələrə qoşulan Evelina Arutyunova Ermənistanın yeni rəhbəri kimi separatçı Araik Arutyunyanı gördüyünü deyib: “Bu tərəvəz Paşinyan arvadı ilə birgə ölkəni tərk etməlidir”.
Qeyd edək ki, sosial şəbəkələrin erməni seqmentini izlədikdə yüzlərlə belə geniş auditoriyanın müzakirəsinə çıxarılmış statuslar görmək olar.
Tural Tağıyev
Azvision.az