Gürcü Yəhudilərinin Bakı dini icmasının sədri vəfat edib

  04 Noyabr 2020    Oxunub : 1785
Gürcü Yəhudilərinin Bakı dini icmasının sədri vəfat edib
Azərbaycan Texniki Universitetinin (AzTU) Doktorantura şöbəsinin müdir müavini Abik Çaruxçev uzun sürən xəstəlikdən sonra 67 yaşında vəfat edib.
AzTU-dan Azvision.az -a verilən məlumata görə, Abik Çaruxçev 1953-cü ildə Bakıda anadan olub. 1975-ci ildə Kirov adına Azərbaycan Dövlət Universitetinin (indiki Bakı Dövlət Universiteti) Fizika fakültəsini bitirib. 1977-ci ildə AzTU-nun Aspirantura şöbəsinin rəisi vəzifəsinə təyin edilib.

Bir sıra elmi məqalələrin müəllifi olan Abik Çaruxçev uzun müddət AzTU-da pedaqoji fəaliyyətlə məşğul olub. Doktorantura səviyyəsində yüksək ixtisaslı elmi-pedaqoji kadrların hazırlanması istiqamətində səmərəli fəaliyyətinə görə müxtəlif illərdə universitet rəhbərliyi tərəfindən mükafatlandırılıb.

Qeyd edək ki, Abik Çaruxçev Gürcü Yəhudilərinin Bakı dini icmasının sədri idi.

Azvision.az

Teqlər: AzTU   Gürcü   Yəhudi