Tonoyanla general arasında əlbəyaxa dava olub

Tonoyanla general arasında əlbəyaxa dava olub
  05 Noyabr 2020    Oxunub:3295
Ermənistan ordusunun cəbhədə durumu ağırlaşdıqca və ciddi məğlubiyyətlərə məruz qaldıqca, ölkədə siyasi çəkişmələr daha da kəskinləşir.
Azvision.az Armiya.az-a istinadən xəbər verir ki, hazırkı hökumətlə “Qarabağ klanı” arasında münasibətlər gərginləşib.

Belə ki, bu günlərdə Laçın rayonunda müdafiə naziri David Tonoyanla general Vitali Balasanyan arasında ciddi münaqişə yaşanıb. Nazirin qərargahına gələn V.Balasanyan onu Qarabağda ağır məğlubiyyətə görə ittiham edib. Bundan başqa, general naziri istefa verməyə çağırıb.

Həmçinin, o, Tonoyandan Nikol Paşinyana müraciət edərək özünü müdafiə naziri təyin etməsi barədə fərman imzalamağı tələb edib. Tonoyan isə kobudcasına Balasanyana ordu işlərinə qarışmamağı deyərək, mühafizəçilərə generalın qərargahdan qovulması əmrini verib. Bundan sonra Balasanyanla Tonoyan əlbəyaxa olub. Davaya müdaxilə edən yüksək rütbəli zabitlər Balasanyanı qərargahdan çölə çıxarıb.

Məlumata görə, Tonoyan dərhal Paşinyanla əlaqə saxlayıb və Balasanyana qarşı ən sərt tədbirlərin görülməsini tələb edib. Həmin gün Balasanyan Ermənistanın sabiq prezidenti Robert Koçaryanla da görüşüb. Onlar arasında “Qarabağın xilası” məqsədilə Ermənistanın indiki hökumətini devirmək üçün səyləri birləşdirmək barədə razılıq əldə olunduğu deyilir.

Tərcümə: Pərvanə Sultanova
Azvision.az


Teqlər: Ermənistan  





Xəbər lenti