Şuşanın azadlığı Moldovada qeyd olundu
Moldovada azərbaycanlıların ağsaqqalı kimi tanınan iş adamı Firuz İsayev çıxışında Azərbaycanda aparılan uğurlu daxili və xarici siyasətin nəticəsi olaraq qələbə əldə edildiyini, dinindən, etnik mənsubiyyətindən və doğulduğu bölgədən asılı olmayaraq, hər bir azərbaycanlının bu amal ətrafında sıx birləşdiyini dilə gətirib. Şuşanın mədəniyyət ocağı olduğunu bildirərərək, hər bir azərbaycanlı gəncə Şuşa şəhərinə gedərək, xalqımızın tarixi keçmişini öyrənməyə səsləyib.
Daha sonra tədbirdə iştirak edən türk iş adamı döyüşlərdə əldə edilən uğurlardan fərəh hissi duyduğunu və qardaş ölkələrəmizin hər zaman bir-birinə xoş və çətin günlərdə dəstək olmasının qürurverici olduğunu bildirib.
Bundan əlavə, tədbir zamanı Şuşanın işğaldan azad edilməsinə həsr edilmiş tədbirində Moldovada yaşayaş azərbaycan diasporasının fəal üzvləri çıxış edərək, xalqımızı, bütün həmvətənlərimizi qələbə münasibətilə təbrik ediblər.
Tədbirdə milli mətbəxə məxsus şirniyyatlar təqdim edilib, həmvətənlərimiz xalqımızın birlik və vətənpərvərlik rəmzi olan qədim “Yallı”nın sədaları altında rəqs edib və tədbir qələbə atəşfəşanlığı ilə yekunlaşıb.
Azvision.az