Döyüşə “gedən” Petrosyan teatrda peyda oldu

  09 Noyabr 2020    Oxunub : 1908
Döyüşə “gedən” Petrosyan teatrda peyda oldu
Bir neçə gündür ki, erməni mətbuatı aktyor, ssenarist Vardan Petrosyanın oğlu ilə birgə Qarabağda döyüşdüyünü yazırdı.
Azvision.az -ın məlumatına görə, aktyor özü “Facebook” səhifəsində yazıb ki, haqqında yayılan məlumat yalandır, hazırda döyüş bölgəsində yox, teatrdadır:

“Əziz dostlar, cəbhəyə getməyim və ya “Artsax”da (Qarabağ-red.) olmağım barədə internetdə xəbərlər dolaşır. Bu yalan məlumatdır. Düşünürəm ki, anlaşılmazlığın səbəbi reportajların birindən olan hərbi geyimimdəki fotodur. Oğlum Hayk Qarabağda, mən isə Ermənistandayam. Gümrü Dövlət Teatrında teatr tamaşalarımı davam etdirirəm”.



Xatırladaq ki, sosial şəbəkələrin erməni seqmenti həmin fotonu paylaşaraq “erməni döyüş ruhu” adıyla ata-balanın Qarabağda savaşdığını təbliğ edirdi. Amma feyk xəbərləri ilə ad çıxaran Ermənistan mətbuatı və sosial şəbəkə səhifələri yenə ifşa edildi.

Tural Tağıyev
Azvision.az

Teqlər: aktyor   Qarabağ