"Azəriqaz" abunəçilərinin sayını açıqlayıb

  13 Noyabr 2020    Oxunub : 1308
"Azəriqaz" abunəçilərinin sayını açıqlayıb
Bu ilin yanvar-oktyabr aylarında Azərbaycan Dövlət Neft Şirkətinin (SOCAR) “Azəriqaz” İstehsalat Birliyində əhali sektoru üzrə 61 453 yeni abunəçi qeydiyyata alınıb.
“Azəriqaz”dan Azvision.az -a verilən məlumata görə, bunun 44 176-sı Bakı, Abşeron və Sumqayıt, 17 277-si isə regionlar üzrədir.

Oktyabr ayı ərzində isə əhali sektoru üzrə qeydiyyata alınan yeni abunəçilərin sayı 7 115 təşkil edib. Bunun 5 404-ü Bakı, Abşeron və Sumqayıt, 1 711-i isə regionlar üzrədir.

Beləliklə, hazırda İstehsalat Birliyinin ümumi əhali abunəçilərinin sayı 2 310 414 təşkil edir. Bundan 1 413 177-si regionların, 897 237-si isə Bakının payına düşür.

Azvision.az

Teqlər: Azəriqaz