Paşinyanı tənqid edən deputatlar ölümlə hədələnir

  15 Noyabr 2020    Oxunub : 1834
Paşinyanı tənqid edən deputatlar ölümlə hədələnir
"Çiçəklənən Ermənistan" fraksiyasından olan deputat Naira Zohrabyan baş nazir Nikol Paşinyanı tənqid etdiklərinə görə özünün və həmkarlarının müxtəlif şəxslərdən təhdidlər aldığını deyib.
Azvision.az xəbər verir ki, erməni deputat hakimiyyətin müxalifətdən qisas almaq məqsədilə silahlı dəstələr yaratması barədə məlumat əldə edib.

"Bu günlərdə mən və həmkarlarım müxtəlif adamlardan müxtəlif təhdidlər alırıq. Onlar Nikol Paşinyanı tənqid etdiyimizə görə bizi və övladlarımızı öldürməklə, yandırmaqla hədələyirlər. Bizdə müxalifətlə hesablaşmaq niyyətində olan silahlı dəstələrin yaradılması barədə məlumat var",- deyə Zohrabyan polisə müraciət etdiklərini qeyd edib.

Xatırladaq ki, Qarabağla bağlı üçtərəfli bəyanatın imzalamasından sonra İrəvanda kütləvi etirazlar başlayıb. Mitinqlərdə iştirak edən müxalifət nümayəndələri saxlanılıb.

Azvision.az

Teqlər: Ermənistan   Mitinq   Təqib   Həbs