Balayan Paşinyana görə aclıq aksiyasına başladı
Onun sözlərinə görə, Paşinyan Qarabağ razılaşmasını imzalamaqla konstitusiya quruluşunu devirib. Balayan, həmçinin bildirib ki, konstitusiyanın 116-cı maddəsi hansı məsələlərin beynəlxalq müqavilələrlə tənzimlənməsini açıq şəkildə müəyyənləşdirir.
“Paşinyan humanitar atəşkəs sazişi imzalaya bilərdi, lakin 9 noyabrdakı bəyanat kökündən fərqlidir. Onun bütün məzmunu əsas qanunun normalarına ziddir. Rusiya, Azərbaycan və Ermənistan liderləri tərəfindən imzalanmış Qarabağa dair bəyanatı əvvəlcə Konstitusiya Məhkəməsi konstitusiyaya uyğun olub-olmamasını müəyyən etməli idi. Sənədin qanuna uyğunluğu müəyyən edildiyi halda, parlament tərəfindən təsdiqlənməli idi”.
Sabiq erməni hakimin konstitusiya quruluşunun devrilməsi faktı ilə bağlı iddiaları baş prokuror Artur Davtyan və Xüsusi İstintaq Xidmətinin rəhbəri Sasun Xaçatryana da ünvanlanıb.
Balayan hesab edir ki, bu məmurlar hərəkətsizlik nümayiş etdirir və bununla baş nazirin cinayətinə ortaq olurlar.
Pərvanə Sultanova
Azvision.az
Teqlər: aclıqaksiyası